Поранешен директор за дизајн на Епл го направи амблемот на крунисување за кралот Чарлс

Џони Ајв и неговата дизајнерска фирма „Лав фром“ го дизајнираа амблемот за крунисувањето на кралот Чарлс III, според новата веб-страница на кралското семејство.

На амблемот е претставена флора од сите четири нации кои го сочинуваат Обединетото Кралство – англиската роза, шкотскиот трн, велшкиот нарцис и северноирскиот шамрок, оддавајќи почит на љубовта на кралот кон природата, соопшти палатата.

Биле користени боите на британското знаме: црвена, бела и сина.

„Дизајнот беше инспириран од љубовта на кралот Чарлс кон планетата, природата и неговата голема грижа за природата. Амблемот зборува за оптимизмот на пролетта и го слави почетокот на оваа нова ера за Обединетото Кралство“, изјавил дизајнерот Џони Ајв.

Чарлс автоматски стана крал на 15 кралства, вклучувајќи ги Канада, Нов Зеланд и Австралија, по смртта на неговата мајка, кралицата Елизабета, а неговото официјално крунисување ќе се одржи на 6 мај во лондонската Вестминстерска опатија во согласност со традицијата.

Крунисувањето ќе биде придружено со прослави, вклучувајќи концерт во замокот Виндзор, улични забави, светлосни шоуа и волонтирање во заедницата, соопшти палатата.

The new Coronation emblem has been unveiled!

The emblem will feature throughout the historic events in May, including street parties, community gatherings and on official merchandise. pic.twitter.com/Yr3Gb1Lnd4

— The Royal Family (@RoyalFamily) February 10, 2023