Саудиска Арабија ќе испрати прва жена астронаут во вселената

Саудиска Арабија ќе испрати прва жена астронаут на вселенска мисија кон крајот на оваа година. Рајана Барнави ќе му се придружи на Саудиецот Али Ал Карни во десетдневна мисија до Меѓународната вселенска станица (ISS), објави официјалната саудиска агенција за печат (SPA).

Барнави и Ал-Карни ќе летаат на МСС на вселенското летало Спејс икс Драгон како дел од мисијата на приватната вселенска компанија Аксиом Спејс оваа пролет, соопштија СПА и Аксиом.

На бродот Ax-2 ќе бидат и Пеги Витсон, поранешна астронаутка на НАСА која ќе го направи четвртиот лет на МСС и Џон Шофнер, бизнисмен од Тенеси.

Екипажот Ax-2 ќе лансира до МСС со помош на ракетата Фалкон 9 на Спејс икс од комплексот лансирање 39А во вселенскиот центар Кенеди на НАСА во Флорида.

Саудиска Арабија ќе ги следи стапките на соседните Обединети Арапски Емирати, кои во 2019 година станаа првата арапска земја што испрати граѓанин во вселената.

Астронаутот Хаза ал-Мансури помина осум дена на МСС. Друг астронаут, Султан ал Нејади, исто така ќе отпатува до вселенската станица подоцна овој месец.

Наречен „Султан на вселената“, 41-годишниот Нејади ќе стане првиот арапски астронаут кој ќе помине шест месеци во вселената.