Условите што ДОМ ги наметна на Владата ќе бидат одлучувачки дали партијата ќе остане во позиција
Условите што партијата синоќа ѝ ги наметна на Владата со рок од сто дена за реализација, ќе бидат одлучувачки за тоа дали партијата ќе остане во позиција или ќе оди во опозиција, изјави претседателката на ДОМ, Маја Морачанин.
<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>
Во емисијата „Аргумент плус“, Морачанин рече дека ДОМ ја поддржува владината реконструкција и ќе гласа за уставните измени зашто тие се поврзани со евроинтегративните процеси.
„Овие услови се за да се спроведе нешто што е неопходно дома. Значи тие процеси мора да се случат и да се стави фокусот на дејствување дома. Евроинтеграцискиот процес е прашање независно од ова кое што ние го поддржуваме. Околу тоа нема никаква дилема и јас можам да бидам и во опозиција; ако овие наши барања не се реализираат и повторно стагнира целиот процес, јасно е дека ДОМ ќе оди во опозиција“, рече Морачанин.
Централниот одбор на Демократската обнова на Македонија (ДОМ) на вчерашната седница донесе одлука партијата да ја поддржи предложената реконструкција на Владата со услов во првите 100 дена да започне процесот на ветинг и да се спроведе конфискација на нелегално стекнатиот имот заради ефикасна борба против корупцијата, да продолжи собраниската процедура за измени на Изборниот законик за една изборна единица, отворени листи и 50 отсто жени на листите и да се интензивира користењето на обновливи извори на енергија преку формирање на енергетски задруги, за граѓаните да станат производители на електрична енергија, како и формирање Фонд за енергетска ефикасност.
