Зошто треба да си легнувате еден час порано во зимските месеци?

Во текот на долгите зимски ноќи ни треба повеќе сон отколку во текот на летото, откри новото истражување.

Многу луѓе имаат подолга REM фаза на спиење во зима во споредба со потоплите месеци бидејќи ноќта трае подолго, покажа студијата објавена во списанието Frontiers in Neuroscience.
Истражувањето го спровеле експерти од Медицинскиот универзитет Шарите во Берлин, а во истражувањето учествувале 292 лица. Ги замолиле да спијат природно, а потоа го следеле квалитетот, времетраењето и видот на сонот на испитаниците.
Со набљудување на учесниците, тие утврдиле дека времето на спиење во зима е околу еден час подолго отколку во лето. Сепак, тоа не е сè. Тие откриле дека REM фазата, поврзана со циркадијалниот ритам, исто така е 30 минути подолга во зима.

„Човечката физиологија е намалена во текот на зимата, така што се чувствуваме празно во февруари или март“, вели авторот на студијата Др. Дитер Кунц.
Затоа, експертите предложија луѓето да си легнуваат еден час порано во зимските денови за да можат да се одморат и да спијат.