Макрон: Руската економија силно оптоварена од војната во Украина, официјалните податоци се пропаганда

Францускиот претседател Емануел Макрон изјави дека руската економија е силно оптоварена од војската во Украина, додавајќи дека не верува во официјални податоци, сметајќи ги како пропаганда.

Макрон изрази дека не верува во податоците за намалување на Бруто домашниот производ (БДП) на Русија за само 2,1 отсто во 2022 година.

Тие (Русите) велат дека е минус 2 отсто, јас велам дека е многу повеќе“, рече Макрон, пренесува Телеграф.

Според него, Русите заработуваат од гас продавајќи го на други, но остатокот од економијата многу страда.

„Руската статистика е пропаганда. Тоа е недемократска земја која нема независен институт за статистика“, додаде францускиот претседател.

БДП на земјата се намали за 2,1 отсто во 2022 година, покажуваат податоците на Руската агенција за статистика (Росстат), што ја прави економијата споредлива со очекуваното влијание на западните санкции против Москва.

На крајот Макрон нагласи дека „стотици илјади млади Руси ја напуштаат земјата за да избегнат воена мобилизација во Украина“.