Четири знаци дека ви е потребна НОВА ПЕРНИЦА: Трик од 30 секунди може да ви ја реши дилемата

Перниците се предмети за кои често не размислуваме премногу. Во моментот кога по будењето почнуваат да не болат вратот и грбот, почнуваме да размислуваме за можните причини, а потоа доаѓаме до „проблемот“ со перницата.

Па, како да знаете кога е време да ги промените?

Се будите со болка

Ако тоа се случува се почесто и почесто, треба да размислите за промена на перницата.

– Како што стареат перниците, тие почнуваат да се распаѓаат и даваат помала поддршка. Несоодветната поддршка може да предизвика проблеми со вратот, грбот и рамото. Исто така, може да ве остави да се чувствувате вкочанети наутро и да предизвика главоболки – објаснува д-р Керен Ју, за The Spruce.

Ја изгубила својата форма

Постои одреден тест кој може да биде корисен за да се утврди дали треба да ја смените перницата.

– Преклопете ја перницата на половина и држете ја околу 30 секунди. Кога ќе ја ослободите, перницата треба да се врати во нормална форма. Ако не се врати, тогаш е време да купите нова – објаснува Ју.

Веќе не е мека и пријатна

Ако вашата перница, заедно со нејзината форма, повеќе не изгледа мека како порано, време е за нова. Одвојте малку време да забележите и да размислите дали перницата ви ја обезбедува потребната удобност или ви предизвикува напнатост во текот на ноќта бидејќи не можете да се смирите.

Рок на траење

Дали знаевте дека и перниците имаат рок на траење? Колку и да звучи чудно, овие временски ограничувања не се резервирани само за предмети во вашиот фрижидер. Многу перници имаат и датум на нив, што е добар показател за тоа кога треба да купите нова.