Украински командант: Се подготвуваме за руска инвазија од север

– Украински воен командант изјави дека Русија може да се обиде да изврши инвазија од север, потенцијално околу годишнината од кога претседателот Владимир Путин им нареди на своите војници да ја нападнат Украина на 24 февруари.

Генерал-мајор Андриј Ковалчук ​​предупреди дека најжестоките борби допрва следуваат и ги повика западните сојузници да ја поддржат Украина со смртоносно оружје, вклучително и потенцијално касетна муниција.

Во интервју за Скај Њуз, тој рече дека предвидува дека руските сили би можеле да се обидат да ја нападнат Украина од север, исток и југ, можеби дури и на годишнината од инвазијата.

Ковалчук ​​рече: „Ние предвидуваме такви сценарија, се подготвуваме за тоа. Живееме со фактот дека тие повторно ќе нападнат. Тоа е наша задача“.