Рецепт за домашни бадем кекси

Состав:
400 гр брашно, 130 гр бадеми, 100 гр кафеав шеќер, 120 мл масло, 120 мл млеко, 1 ванилин шеќер, 1 прашок за пециво

Додаток:
25 цели бадеми

Подготовка:

Бадемите сомелете ги или ситно исечкајте ги.

Во сад измешајте ги брашното, прашокот за пециво, шеќерот и ванилиниот шеќер. Додадете ги бадемите, маслото и млекото и убаво измешајте со раце.

Земете ја смесата со лажица, а потоа со дланките формирајте топчиња со големина на орев, ставете ги на плех покриен со хартија за печење и во секое топче притиснете по еден бадем.

Се пече во загреана рерна на 180 степени околу 15 минути. После тоа време извадете ги од рерна, почекајте да се изладат, па послужете.