Еурофарм Пелистер: Дербито не требаше да продолжи после инцидентот

Дербито меѓу Вардар 1961 и Пелистер кое го одбележа и голем инцидент меѓу навивачките групи на двата тима, сѐ уште го окупира вниманието на јавноста. Мечот имаше прекин при резултат 6:6, по одиграни 17 минути, а продолжи дури откако полицијата успеа да обезбеди услови.

Тимот на Еурофарм Пелистер го објавија известувањето до Натпреварувачка комисија на РФМ.

„Во интерес на транспарентноста на процесот поврзан со последниот натпревар и немилите настани кои се случија на натпреварот помеѓу РК Вардар 1961 и РК Еурофарм Пелистер, во прилог го доставуваме одговорот на нашиот клуб кон барањето за изјаснување од наша страна на изјавата на службените лица“, велат од Пелистер.