Синот на Анчелоти го напушта Реал, ја прифатил понудата од Базел

Синот на Карло Анчелоти, Давиде, ќе го преземе трофејниот швајцарски клуб, Базел. Давиде Анчелоти долги години е прв асистент на Карло.

Познавачите на приликите во тренерскиот свет велат дека синот на големиот Карло Анчелоти, е вистински наследник на својот татко и дека е одличен тактичар, аналитичар и има одличен однос со играчите.

„Марка“, пренесува дека е подготвен да започне самостојна тренерска кариера, а покана добил од Базел.

Давиде Анчелоти има само 33 години и јасно е дека е на самиот почеток на кариерата, а Базел звучи како голем предизвик, но и вистински чекор, бидејќи не е една од најсилните европски лиги.

Анчелоти јуниор немаше забележителна играчка кариера, иако беше во помладите категории на Милан, но реално, само затоа што неговиот татко во тој период беше на клупата на „росонерите“.

Она што е особено интересно е тоа што тој е помошник на својот татко од неговата 27. година. Занаетот го учеше во Баерн Минхен, Наполи, Евертон и на крајот во Реал Мадрид, што значи дека веќе има работено во најсилните европски лиги како асистент.