Колку долго треба да трае ПОПЛАДНЕВНАТА ДРЕМКА: Повеќе од препорачаното ќе има спротивен ефект!

„Време за спиење“ често е синоним за бебиња и мали деца, бидејќи им е најпотребно за правилен раст и развој. Возрасните обично немаат закажано дремки во нивниот секојдневен живот, но дали треба?

Бидејќи спиењето и продуктивноста се директно поврзани, некои компании во светот им дозволија на своите вработени буквално да спијат на работа за да постигнат подобри резултати. пишува The List.

Научните истражувања препорачуваат кратка дремка во текот на денот за подобро да ги завршите попладневните задачи и да ја зголемите продуктивноста. Значи, дремката е одличен начин да се регенерирате додека не го направите правилно распоредот за спиење.

Како да дремете „правилно“?

– Кога спиете подолго од 30 минути, потешко е да се разбудите, обично се чувствувате успано во споредба со будењето од полесен сон – вели д-р Сафија Кан, специјалист за нарушувања на спиењето, за Everyday Health.

Затоа, според советите на стручњаците, дремката треба да биде кратка, односно да не трае подолго од 30 минути. Кан нагласува дека не ви е потребна дремка за нормално функционирање ако имате здрав распоред за спиење, но дури и тогаш, тоа е корисно повремено.

Се смета дека најдоброто време за спиење е во текот на денот, или наутро или рано попладне, бидејќи деноноќниот ритам нè прави посклони кон длабок сон подоцна во текот на денот. Исто така, претходно треба да се избегнуваат кофеин, шеќер и мрсна храна.