Колку често треба да ги миете ПОСТЕЛНИНАТА, ПЕШКИРИТЕ И КУЈНСКИТЕ КРПИ? Многумина грешат

Нередовното миење на овие предмети може да го зголеми ризикот од многу инфекции

Нема поубаво чувство на светот од тоа да лежите во вашиот удобен и миризлив кревет. Меѓутоа, што ако тој не е толку чист како што мислите.

Една неодамнешна студија покажа дека секој петти човек спие на толку валкан душек и перница што четвртина од нивната тежина се грини од прашина и мртви клетки на кожата.

Работите да бидат уште полоши, една петтина од луѓето не ја измиле перницата најмалку пет години. Поради овие лоши навики, може многу сериозно да се разболите. Многумина кои одеднаш почнуваат да страдаат од кашлица и течење на носот не се ни свесни дека најверојатната причина за нивните заболувања се грините. Тие можат да предизвикаат сериозни состојби како што се астма или егзема, поради што е исклучително важно редовно да се мијат перниците, чаршафите и јорганите.

Перници

Чистете ги еднаш на секои шест месеци или најмногу една година. Во многу од нив се собираат грини од прашина, пот и мртви клетки од кожата. Погледнете на етикетата да видите како се перат и одржуваат во зависност од полнењето и материјалот од кој се направени, а идеално би било да набавите навлаки за перници кои се ставаат под навлаката за перница, тие полесно се перат во машина.

Јорган

Мијте го најмалку двапати годишно. Луѓето имаат тенденција да имаат различни јоргани за лето и зима, така што секогаш можете еден да однесете на темелно хемиско чистење (или машинско перење, ако е можно) додека го користите другиот. Најголемиот проблем со валканите јоргани се прашинските грини, кои се хранат со мртвите клетки на кожата. Нивниот измет може да предизвика сериозни алергиски реакции.

Душек

Чистете го темелно секој месец. Редовното чистење со правосмукалка помага да се ослободите од грините, а еднаш месечно добро е и да ја вртите страната на душекот што го користите. Кога чистите, не заборавајте ги рамките и рабовите на креветот. Можете да набавите и квалитетна покривка за душек што можете да ја миете.

Пешкири

Мијте ги на секои два, максимум три дена на температура повисока од 60 степени. На нив се задржува цела низа бактерии, вклучително и ешерихија коли. Често се влажни, а топла и влажна средина е погодна за раст и развој на сите видови микроби. Секој член на домаќинството треба да има свој пешкир.

Кујнски крпи

Перете ги кујнските крпи секој ден. Се користат за многу работи, не само за бришење на измиените садови. Ако користите крпа за да го допрете садот од кој јадете или пиете, мора да бидете сигурни дека е чиста. Затоа перете ги на 90 степени. Ако имате седум крпи, измијте ги сите заедно на крајот на неделата.