Нови сознанија – Звицер и Хрватите дале 1,7 милиони евра за главата на водачот на Шкаљарците! Вукотиќ претчувствувал смрт, еве што кажал ноќта пред неговата ликвидација!

На убијците им платиле по 850.000 евра, Вукотиќ претчувствувал смрт, се пожалил на пријател.

Водачот на кавачкиот клан Радоје Звицер се здружил со мафијашите од Хрватска кога го наредил убиството на водачот на „Шкаљарците“ Јован Вукотиќ на 8 септември во Турција, открива добро информиран извор на Информер! За главата на Вукотиќ на професионални убијци од Турција им биле платени дури 1,7 милиони евра, од кои Звицер и хрватските мафијаши обезбедиле по 850.000.

Имал две сопруги

Извор објаснува дека Вукотиќ претходно се судрил со моќен нарко-клан од Хрватска, кој тесно соработува со „Кавачкиот клан“.

Се зборува дека Вукотиќ еднаш ги „измамил“ тие Хрвати за некои пари, а има и приказна дека Јован дури планирал да го убие водачот на тој клан. Станува збор за група која го контролира најјголемиот дел од нарко пазарот во Хрватска. Кавчаните се добри со нив, па ги здружија силите во ликвидацијата на предводникот на „шкаљарците“ – напоменал соговорникот.

Според неговите зборови, Вукотиќ бил внимателен, знаел дека Звицер и Хрватите му работат на главата, но бил убеден дека нема да можат да го лоцираат во Турција.

Погребан до неговиот татко

Водачот на „Шкаљарскиот клан“ беше погребан на 27 септември во семејната гробница во градот Чево кај Цетиње. Јовица почива покрај неговиот татко Веселин Веско Вукотиќ, кој на 20 април 2019 година е убиен во судир меѓу двата которски клана, пред неговата куќа во Доброта. За време на погребот на Јовица, кој беше испорачан од Турција во црна кутија, во Чево биле воведени строги безбедносни мерки.

Ги оперираше ушите, го затегна лицето и ја извади бенката. Не живеел во луксузна вила, за да не биде упадлив, но речиси секој ден разговарал со најблиските роднини и пријатели. Сепак, пред убиството, се чинеше дека претчувствувал нешто зло. Ноќта пред ликвидацијата телефонски му се пожалил на пријател дека претчувствувал смрт – открива извор.

Приватна архива

Тој посочува дека Вукотиќ имал две сопруги, со кои имал по две деца, а двете сопруги по ликвидацијата во Турција се засолниле во странство.

Говорејќи за детството на Јовица, соговорник вели дека Вукотиќ не потекнувал од богато семејство.

Живееше во стара, нереновирана куќа во близина на Котор, а првиот автомобил му беше Пежо 206. Во младоста сакал да носи брендирана облека, па го викале Манекен. Неговиот брат Игор се обидуваше да работи, сакаше да отвори хотел, но тој план брзо пропадна бидејќи немаше пари – вели соговорникот и додава:Се почна да се менува во 2004 година, кога Јовица го запозна Звицер и почна да шверцува дрога со него. Тогаш, Звицер отишол во Мексико и Еквадор, каде што купил кокаин и го прошверцувал преку Атлантскиот Океан во Европа. Вукотиќ почна многу да заработува со Звицер, но многу трошеше на жени и коцкање. Тој сакаше раскалашен живот. Но, во 2012 година дојде до раздор, Звицер и Вукотиќ влегоа во војна по исчезнувањето на 200 килограми кокаин во Шпанија и поделени на два клана – „Кавачки“ и „Шкаљарски“.

Што се однесува до имотот на Вукотиќ, во оставинската постапка ќе учествуваат неговата мајка, брат, како и неговите поранешни сопруги.

Допрва ќе се утврдува што точно останало од имотот во Црна Гора по Јовица Вукотиќ, бидејќи некои имоти останале на негово име, а многу се купени од други лица и поврзани лица. Вилата на Јовица во Грција во меѓувреме била конфискувана, кога локалната полиција утврдила дека тој живее во Лефкада под лажно име. Интересно е и тоа што кај Вукотиќ по убиството во Турција се пронајдени „само“ 9.000 евра – рекол соговорникот.

Да потсетиме, Вукотиќ беше во бегство од август минатата година, откако, како што се претпоставува, блиско лице од црногорските безбедносни служби го известило дека му е загрозена безбедноста во таа земја. Тој беше убиен на 8 септември годинава во Турција.

Од Црна Гора побегна и Радоје Звицер, недолго откако во февруари минатата година во Србија биле уапсени неговите соработници Вељко Беливук и Марко Миљковиќ Месар.