Путин: Секоја полска агресија врз Белорусија ќе се смета за напад против Русија

Рускиот претседател Владимир Путин ја обвини Полска членка на НАТО дека има територијални амбиции во поранешниот Советски Сојуз и рече дека секоја полска агресија врз рускиот сосед и близок сојузник Белорусија ќе се смета за напад врз Русија.

Путин: Секоја полска агресија врз Белорусија ќе се смета за напад против Русија

Москва ќе одговори на секоја агресија против Белорусија, која е „сојузник“ со Русија, „со сите средства што ни се на располагање“, рече Путин на состанокот на Советот за безбедност на телевизија.

Во врска со, како што рече, територијалните амбиции на Варшава, Путин нагласи дека Полска добила значаен дел од своите западни региони благодарение на одлуката на Јосиф Сталин, пренесоа руските медиуми.

“Благодарение на Советскиот Сојуз, благодарение на позицијата на Сталин, Полска доби значајни земји на запад, земји на Германија. Така е, западните територии на денешна Полска се подарок на Сталин за Полјаците. Дали нашите пријатели во Варшава го заборавија ова? Ние ќе ги потсетиме”, предупреди рускиот претседател.

Во средата, Комитетот за безбедност на Варшава одлучи да ги премести воените единици во источна Полска, откако членовите на приватната руска воена компанија Вагнер пристигнаа во Белорусија, објави новинската агенција ПАП.

Во средата, креаторот на „Вагнер“ Евгениј Пригожин беше прикажан во видео како ги поздравува своите борци во Белорусија, велејќи им дека повеќе нема да учествуваат во војната во Украина, но им наредува да соберат сили за Африка додека ја обучуваат белоруската армија.

Белорусија вчера соопшти дека платеници од Вагнер почнале да ги обучуваат белоруските специјални сили на воен полигон на само неколку километри од границата со Полска.

Путин рече дека има извештаи во печатот за планови полско-литванските единици да се користат за операции во западна Украина – делови од кои порано и припаѓале на Полска – и на крајот да окупираат тамошна територија.

„Добро е познато дека и тие сонуваат за белоруски земји“, рече тој без да обезбеди никакви докази, пренесе Ројтерс. „Но, што се однесува до Белорусија, таа е дел од државата на Унијата (со Русија); користењето на агресија против Белорусија ќе значи агресија врз Руската Федерација“, рече Путин. „На ова ќе одговориме со сите средства што ни се на располагање.