Што е касетна муниција?

Касетната муниција содржи контејнери кои се отвораат во воздухот и расфрлаат голем број силно експлозивни подмуниции или „мали бомби“ на голема површина. Во зависност од моделот, бројот на подмуниции може да се движи од неколку десетици до повеќе од 600. Касетната муниција може да се фрли од авион или да се доставува до целта со артилерија или ракети.

Што е касетна муниција?

Повеќето подмуниции се дизајнирани да експлодираат при удар. Огромното мнозинство од нив се во слободно паѓање, односно не се насочени кон целта поединечно.

Касетната муниција првпат била употребена за време на Втората светска војна, а голем дел од постојните залихи на касетна муниција биле акумулирани за време на Студената војна. Нивната главна цел е да уништат бројни воени цели расфрлани на голема површина, на пример, тенкови или пешадиски формации.