Рецепт за јогурт сладолед – Reporter.mk

Состојки:

– 300 гр шлаг од ванила

– 3 дл ладно млеко

– 3 дл густ јогурт

– 100 гр шеќер или по вкус

– 100 гр шумско овошје

– 2-3 листови свежо нане

– 1 лажичка рендана кора од лимон

Подготовка:

Изматете го шлагот со млеко и шеќер. Постепено додавајте го јогуртот додека продолжувате да ја матите смесата.

Сладоледот поделете го на два дела.

На едното додадете мелено шумско овошје, а на другото кора од лимон и сечкани листови нане.

Истурете во чинии и чувајте во замрзнувач неколку часа.

Пред сервирање, украсете го сладоледот со свежи бобинки и листови од нане.

По вкус, можете да додадете повеќе шеќер, во зависност од тоа колку е сладок шлагот.

На овој начин можете да подготвите и сладоледи со различни вкусови. Можете да додадете јаткасти плодови, бисквит, чоколадо.