Претседателот Пендаровски положи цвеќе пред Споменикот на жртвите од скопскиот земјотрес од 1963 година

Претседателот Стево Пендаровски денеска, по повод 60-годишнината од катастрофалниот земјотрес во Скопје, положи цвеќе пред Споменикот на жртвите од земјотресот, на Градските гробишта Бутел во Скопје.

Почит кон загинатите во земјотресот оддадоа и делегации од Собранието и Владата на Република Северна Македонија и од Градот Скопје, амбасадори и делегации од дипломатско-конзуларните претставништва во земјава.