Се бара дваесет и осумгодишната Драгана, вчера си заминала од дома

На социјалните мрежи се споделува објава во која се бара дваесет и осумгодишната Драгана. Таа е исчезната од вчера кога последен пат е видена дома, а нејзиното исчезнување во МВР го пријавил и нејзиниот сопруг.

„На 29.07.2023 во 11.30 часот А. Ј. (33) од с. Булачани пријавил дека неговата сопруга Д. Ј. (28) на 28.07.2023 околу 13.30 часот од непознати причини си отишла од нивниот дом и со себе си земала свои лични работи, а на 29.07.2023 во 06.30 часот во кујната прпнашол писмо кое истата го оставила во кое пишува причини поради кои си заминала. Пријавителот појаснил дека не е прв пат Д.Ј да се оддалечи од домот. Се преземаат мерки за пронаоѓање на лицето“, соопшти МВР.

Во објавата се посочува дека Драгана нема никакви здравствени проблеми и се замолуваат граѓаните за помош, доколку ја видат да ги контактираат посочените телефонски броеви.