Видео: Исвиркани Џафери и владината делегација на Мечкин Камен

Спикерот на македонското Собрание, Талат Џафери беше исвиркан заедно со владината делегација, при пристигнување на Мечкин Камен. Додека тие се движеа кон местото каде треба да се сместат, од зад барикадите каде стојат посетителите, извикуваа „Уа, уа“ и исвиркуваа.

Меѓу присутните од делегацијата на Владата се Љупчо Николовски и Јетон Шаќири.

Со скандирање „Македонија, Македонија“ беа поздравени коњаниците кои пристигнаа во Крушево, оддавајќи почит и продолжувајќи ја традицијата. Потоа беа пеени патриотски песни. Се скандира и „Никогаш северна, само Македонија“.

На Мечкин Камен присутни се и лидерот на опозициската ВМРО-ДПМНЕ, Христијан Мицкоски, како и лидерот на Левица, Димитар Апасиев.

За потсетување, инциденти на Мечкин Камен имаше и минатата година. И тогаш имаше исвиркување, но и пресметки зад барикадите.

Видеото може да го погледнете ТУКА.

The post Видео: Исвиркани Џафери и владината делегација на Мечкин Камен appeared first on Шило Магазин.