Пред еден месец станал татко – синоќа беше прегазен додека чекал уредно на црвено на семафори…

Во кобна сообраќајна несреќа која се случи синоќа половина час пред полноќ во скопски Бутел животот го загуби 25-годишен пешак, Мусли Весели. Трагедијата се случила при судир на два автомобили на кростосницата на булеварите „Босна и Херцеговина“ и улицата „Словенечка„ со „Македонско-косовска бригада“. Загинатото момче веднаш било пренесено во Комплексот Клиники „Мајка Тереза“ каде им подлегнало на повредите. На видеото од безбедносните камери кое го објави Алсат М се гледа како настрада момчето додека стои на пешачкиот остров на крстосницата, кога пред него се судираат двете возила. Со тешки повреди се здобиле и возачот С.О. и неговата сопатничка од Скопје како и возачот А.С. со телесни повреди, констатирани во Комплексот клиники „Мајка Тереза“ и Градската општа болница „8 ми Септември“.

На социјалните мрежи, неколку личности се обидоа да пренесат дека ова е класично убиство односно не е само сообраќајна несреќа. Весели пред еден месец станал татко. На социјалните мрежи, Умејр Муамеди напиша: До кога???

Пред една година Викторија а вчера Мусли.

Додека главна тема денеска ни е “кој јавел коњ” за Илинден и се чекаат партиски директиви кој кого да нападне, вчера се случи убиство за кое многу малку се збори, беше прегазен со кола 25 годишниот Мусли Весели. Чекајки на семафор бил прегазен од идиот кој влегол на црвено со преголема брзина.

Македонското општество е примитивно општество каде секој идиот вози кола, каде на секој идиот му е дозволено да раѓа деца, каде секоја втора девојка се воодушевува од скапи коли и ги охрабруваат ваквите идиоти, каде на свадба на идиот се пука како да се оженил некој генијалец.

Ке повторам: Бил убиен додека чекал на семафор а пред еден месец му се родило дете.

Мусли ке почива во мир а нам ке не покрие срамот!

The post Пред еден месец станал татко – синоќа беше прегазен додека чекал уредно на црвено на семафори… appeared first on Шило Магазин.