Помфрит од тиквички за секој оброк: Рецепт за поздрава верзија која се подготвува во рерна

Тиквичките често ги јадеме похувани или печени на скара и тоа главно за ручек. Меѓутоа, зошто тоа не би го смениле, па да ги подготвуваме за вечера или појадок?

Тие се здрав зеленчук и се советува да се јадат често. Дали сте ги пробале во облик на помфрит? Извалкани во презла ќе бидат навистина крцкави, а внатре и натаму сочни.

Состојки:

2 тиквички;180 грама пченкарно брашно;200 милилитри млеко;250 грама презла;100 грама пармезан;1 лажица мешани зачини;1 лажица мелена пиперка;Малку лук во прав;Сол и бибер.

Подготовка:
Загрејте ја рерната и плехот во којшто ќе ги распоредите тиквичките обложете го со хартија за печење.
Секоја тиквичка излупете ја и преполовете ја по должина и ширина. Од секое парче исечете стапчиња, налик на помфрит. Оставете да се исцедат.
Во чинија помешајте брашно и млеко. Смесата треба да биде малку поретка од онаа за палачинки. По потреба доколку е густа, додадете млеко.
Во друга чинија помешајте ги пармезан, суви зачини, презла, лукот, слатката пиперка, солта и биберот.
Секое стапче тиквичка прво измачкајте го со млекото и брашното, па во чинијата со другите состојки. Кога ќе ги распоредите во плех, намачкајте ги со масло за јадење.
Печете околу 15-на минути, додека не добијат златна боја.

На здравје!