Корисниците на Твитер јасно одговорија: Маск нека ја напушти функцијата шеф на Твитер

Мнозинството учесници во анкетата организирана од Илон Маск преку Твитер, гласаа тој да го напушти раководството на социјалната мрежа.

Од повеќе од 17 милиони корисници на мрежата кои гласале, 57,5 ​​отсто рекле дека Маск треба да си замине. Маск ја објави таа анкета вчера и рече дека ќе ги почитува резултатите. Но, тој не реагираше веднаш.

Маск се судри со некои корисници за повеќе прашања и вчера побара од корисниците на мрежата да одлучат дали тој треба да остане на чело на Твитер, откако призна дека згрешил што објавил нови ограничувања на говорот со кои се забранува спомнување на ривалските веб-страници на социјалните мрежи.

Од друга страна, Tвитер објави дека корисниците повеќе нема да можат да се поврзуваат со Фејсбук, Инстаграм, Мастодон и други платформи кои компанијата ги опиша како забранети.

Одлуката веднаш предизвика толку многу критики, вклучително и од оние кои претходно го бранеа новиот сопственик на Твитер, што Маск вети дека нема повеќе да прави големи промени во политиката на компанијата без претходно онлајн да ги анкетира корисниците.