Русија подготви „Пеницилин“ за Украина

Пеницилинот не емитува радио бранови, туку ја детектира непријателската артилерија преку сеизмички и акустични сензори и е одговорот на Москва на „HIMARS MLRS“ доставен до Украина од Вашингтон.

Руската Федерација ќе го распореди новиот систем за звучно-термичко извидување ,,Пеницилин” во Украина како дел од специјалната воена операција.

Распоредувањето на системот „Пеницилин“, познат и како „1B75 пеницилин“, го најавија два руски извори, РИА Новости и Известија.

Како што се наведува во соопштението, нова серија звучно-термички извидувачки системи Пеницилин веќе е доставена до Министерството за одбрана на Русија.

Системот ќе се користи за борба против артилериски батерии, пишуваат два руски онлајн портали.

Ова не е првпат руските вооружени сили да користат „пеницилин“ во Украина. Извештаите велат дека „Пеницилин“ веќе се покажал како успешен против артилерија на НАТО во Украина“, односно како успешна контрамерка против артилериската муниција што ѝ ја доставувале на Украина нејзините сојузници. Пеницилин е одговорот на Москва на „HIMARS MLRS“ испорачан од Вашингтон.

Руските акустично-термички системи не испуштаат радио бранови, туку ја детектираат непријателската артилерија преку сеизмички и акустични сензори.

Производителот на пеницилин, руската компанија Руселектроникс, вели дека системот е дизајниран да се спротивстави на непријателската артилерија, минофрлачи, MLR, противвоздушни или тактички ракетни позиции.

Русија е единствената земја што ги има овие системи.

„Пеницилин“ припаѓа на новата генерација на оружје на Руската Федерација, развиен е во 2017 година, тестиран во 2018 година, а во 2020 година официјално влезе во служба на руската армија.