Се појавија фотографии од новите модели на iPhone и луѓето не се премногу задоволни од изборот на бои.


„Сиво, сиво и уште малку сиво“, пишува GSM Arena откако Сони Диксон, човекот кој со години ги открива најдобрите скриени тајни на Apple, објави фотографии од новата линија на iPhone.

pic.twitter.com/2Dpqr4nAQT

— Sonny Dickson (@SonnyDickson) August 30, 2023

Имено, на фотографиите можете да ги видите досадните, сивкави бои на титаниумската линија на iPhone 15 Pro. Space Black, Silver, Blue и Titan Grey (кои ќе ја заменат инаку достапната златна верзија на претходните модели Pro) се боите во кои ќе биде достапен iPhone 15 Pro, кој Apple ќе го претстави на 12 септември.

pic.twitter.com/W6y1sKixKL

— Sonny Dickson (@SonnyDickson) August 30, 2023

Малку повесели нијанси може да се забележат кај моделите на iPhone 15, кои ќе бидат достапни во сина, розова, бела, зелена и црна боја. Или барем во многу бледи верзии на тие бои.

На почетокот на 2023 година имаше гласини дека новиот iPhone Pro ќе биде достапен во темно црвена боја, но се чини дека идејата е напуштена.

Коментарите на социјалните мрежи откриваат дека првите фотографии од новите уреди навистина не ги возбудиле потенцијалните купувачи.

„Ќе ја прескокнам оваа. Совршено сум задоволен со мојот iPhone 14“, „Сите изгледаат исто, не можам да ја видам разликата во боите“, „Овие бои се ужасни“, „Малку е полесно сега кога немам пари за нов iPhone“, „Во овие бои изгледаат како некои сиромашни копии на iPhone“, напишаа разочараните фанови на Apple.

Wonderlust

За потсетување, Apple ќе ја претстави новата линија iPhone 15 заедно со Apple Watch Series 9 и Apple Watch Ultra 2. Настанот ќе се одржи на 12 септември. Слоганот на настанот е Wonderlust, а логото ги содржи боите за кои се зборува на линијата од титаниум iPhone 15 Pro.

Се очекува Apple да претстави четири нови iPhone-и на настанот:

iPhone 15
iPhone 15 Plus
iPhone 15 Pro
iPhone 15 Pro Max

Како што пишува 9to5Mac, се очекува iPhone 15 и iPhone 15 Plus во голема мера да ги наследат функциите од моделите iPhone 14 Pro и iPhone 14 Pro Max. Тие вклучуваат A16 Bionic Chip, Dynamic Island и камера од 48 MP. Свеж сет на бои и полнење USB-C ќе ја заокружат листата на промени.