Рецепт за киндер обланди
Обландите се еден од омилените десерти на многумина. Денес ви споделуваме рецепт за обланди за кој сме сигурни дека ќе му се допадне на целото семејство.
Потребни состојки:
700 грама шеќер
2 децилитри вода
375 грама маргарин
400 грама млеко во прав
100 грама чоколадо
1 пакување обланди
Начин на подготовка:
Во сад ставете шеќер и вода. Гответе додека не се згусне, па додадете го маргаринот да се растопи. Се трга од оган и се додава млекото во прав. Изматете убаво со миксер и поделете ја масата на два дела. Во едниот дел додадете чоколадо. Намачкајте го едниот лист обланда со темен фил, а другиот со светлиот фил и така наизменично. Оставете го колачот да се излади и притиснете го со нешто одозгора. Исечете и послужете. На здравје!
