Ѓоковиќ ја однесе Србија на завршницата на Дејвис купот

Србија ја соовлада со 2:0 Шпанија и обезбеди пласман на завршниот турнир на Дејвис купот, по победите на Ласло Ѓере и неодамна крунисаниот шампион од САД опен, Новак Ѓоковиќ.

Ѓере го доби првиот меч со 6:4/6:4 против Алберт Рамос-Вињолас, по што Ѓоковиќ немаше проблеми со Алехандро Давидович Фокина, триумфирајќи со 6:3/6:4. Овој резултат значи дека од групата Ц на завршниот турнир се пласираат Србија и Чешка.

Најголем проблем на тенисерите беше жештината на салата во Валенсија, каде што беше над 30 степени, а во вториот сет, организаторите имаа и проблем со електричното напојување.

Четврт-финалните дуели од Дејвис купот се играат во ноември во Малага, Шпанија.