НАПАДНАТ ДАМАСК: Гори главниот град на Сирија, има ранети! (ВИДЕО, ФОТО)

Израелските воздухопловни сили ги бомбардираа предградијата на Дамаск, при што беа повредени двајца сириски војници.

Израелските одбранбени сили (ИДФ) гаѓаа цели во близина на сирискиот главен град Дамаск. Во нападот се ранети двајца сириски војници. Најмалку една експлозија е потврдена на периферијата на Дамаск.

Според сириската новинска агенција САНА, некои ракети биле пресретнати, но ударите предизвикале одредена штета, иако не е прецизирано кои се целите.

Воен извор во изјава за САНА рече дека „околу 00:30 часот, израелскиот непријател започна воздушна агресија со бранови ракети од североисточниот правец на Тиберијското Езеро, гаѓајќи некои локации во близина на градот Дамаск, а нашата противвоздушна одбрана го пресретна непријателски проектили и собори голем број од нив“.

Израелските воздухопловни сили извршија воздушни напади над Галилејското Море во северен Израел. Авионите на ИАФ беа забележани како летаат над северен Израел во моментот на нападот. Тел Авив се уште не ги коментирал нападите. Израел често ја бомбардира Сирија, но ретко ги признава своите операции во соседната земја.

Во еден од последните израелски напади врз Сирија, беше погодена клучната радарска база на сириската армија во јужната провинција Сувејда. Неколку часа по нападот, израелската војска фрлила заканувачки летоци во областа, предупредувајќи ги сириските војници да не соработуваат со Иран.

Минатата недела шефот на ИД потврди дека Израел е одговорен за неодамнешниот напад на камионски конвој во ноември. Конвојот бил цел на влез во Сирија од Ирак. Силите поддржани од ИРГЦ во Сирија и Ирак одговорија на неколку неодамнешни израелски напади гаѓајќи ги американските бази во југоисточна и североисточна Сирија. Сепак, Израел останува непоколеблив.