Истрага по вториот неуспешен обид за лансирање на европската ракета „Вега Це“

Истрага ќе биде покрената по денешниот втор неуспешен обид за лансирање на најновата верзија на италијанската ракета „Вега ЦЕ“ од Европскиот космодром во Француска Гвајана и загубата на два сателити на „Ербас“ за снимање, најавија европските власти.

Од компанијата „Аријанеспејс“ што беше задолжена за лансирањето, е соопштено дека се случила аномалија 2 минути и 27 секунди по полетувањето, со што завршила мисијата “Вега Це“, без да се дадат дополнителни информации. Италијанскиот министер за индустрија, Адолфо Урсо, потврди дека ќе биде формирана истражна комисија што ќе ги испитува околностите на денешниот инцидент.

„Имам целосна доверба дека лансирањето наскоро ќе се повтори“, рече тој во изјавата, без да објасни зошто изразил оптимизам за идните лансирања по денешниот инцидент.