Новите испораки на американско оружје за Киев ќе го интензивираат конфликтот и нема да ѝ донесат добро на Украина
Новите испораки на американско оружје за Украина само ќе го „интензивираат“ конфликтот со Русија, порача денеска Кремљ во очи посетата на украинскиот претседател Володимир Зеленски на САД и најавата, која Вашингтон во меѓувреме и официјално ја потврди, дека Украина ќе добие противвоздушен ракетен систем „Патриот“.
<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>
„Сето ова секако води кон ескалација на конфликтот и не е добро за Украина“, изјави портпаролот на рускиот претседател, Дмитриј Песков.
Тој рече дека не очекува Зеленски, по посетата на САД, да го смени ставот во врска со можните преговори со рускиот претседател Владимир Путин.
Минатата недела и руската амбасада во Вашингтон ги предупреди САД околу испраќањето на системот „Патриот“ во Украина.
„Во САД е започната информативна кампања за наводни подготовки за испраќање на најсовремените системи за противвоздушна одбрана во Киев. Доколку оваа информација биде потврдена, ќе бидеме сведоци на уште еден провокативен чекор на американската администрација што може да доведе до непредвидливи последици“, предупредија руските дипломати.
Дури и без испорака на системот „Патриот“, САД сѐ повеќе се вовлечени во конфликтот во „постсоветската република“, оцени амбасадата.
„Протокот на оружје се зголемува, обуката на војниците се шири. Украинската армија добива разузнавачки податоци. Сѐ повеќе се дискутира за испраќање американски воени експерти во борбената зона. Покрај тоа, во конфликтот учествуваат и американски државјани како платеници“, стоеше во реакцијата.
