Турција го ратификува договорот со Полска од областа на одбранбената индустрија

Договорот со Полска потпишан во мај 2021 година за заемна заштита на доверливите информации во одбранбената индустрија стапи на сила со одобрение од претседателот Реџеп Таип Ердоган

Турција го ратификува договорот со Полска од областа на одбранбената индустрија, објавено е во Службениот весник на Туркије.

Договорот со Полска потпишан во мај 2021 година за заемна заштита на доверливите информации во одбранбената индустрија стапи на сила со одобрение од претседателот Реџеп Таип Ердоган.

Според договорот, двете земји се согласија да воспостават процедури и принципи за осигурување на безбедноста на доверливите информации поврзани со нивната соработка во одбранбената индустрија.

Договорот опфаќа доверливи информации поврзани со одбранбената индустрија кои „се класифицирани во земјата од една [договорна] страна и пренесени во земјата како друга [договорна] страна и/или генерирани преку меѓусебната соработка меѓу страните и/или овластените субјекти во земјите [како договорни] страни“.

Според тоа, таквите доверливи информации нема да бидат откриени на трета страна без претходна писмена согласност од страната на нивно потекло.

Договорот ќе се имплементира од Одделот за технички услуги при турското Министерство за национална одбрана од една страна и шефот на полската Агенција за внатрешна безбедност од друга страна.