Признал дека ги украл црвените чевли од „Волшебникот од Оз“: Човек ја кажа вистината по 20 години

76-годишен маж се изјасни за виновен за ограбување на музеј каде што украл пар рубин црвени чевли што ги носела Џуди Гарланд како Дороти во филмот „Волшебникот од Оз“ од 1939 година.

Тери Џон Мартин верувал дека рубините на чевлите што ги носела Џуди Гарланд во филмот се вистински скапоцени камења се додека сопственикот на продавницата не му кажал дека се обично стакло.

Адвокатот на Мартин изјави за Асошиетед прес дека неговиот клиент е во лоша здравствена состојба и „оечкува непосредна смрт“.

Чевлите кои ги украл Мартин се еден од само четирите автентични пара останати меѓу реквизитите од филмот од 1939 година.

Главниот лик, Дороти, трипати ги чукнуваше петите од нејзините магични чевли и велеше „Никаде не е подобро од дома“ за да се врати од земјата Оз во родниот Канзас.

Обложени со рубин црвени светки и стаклени мониста, украдените чевли беа едни од неколкуте што ги носеше Џуди Гарланд за време на снимањето на мјузиклот.

Во 2005 година, чевлите беа позајмени во музејот Џуди Гарланд во нејзиниот роден град Гранд Рапидс, Минесота, од колекционерот на холивудски сувенири Мајкл Шо.

Мартин, кој живеел во блискиот град, со чекан го пробил влезот за итни случаи, влегол и ги украл чевлите, кои биле осигурани на милион долари, верувајќи дека кристалите се вистински скапоцени камења.

Man pleads guilty to stealing famous “Wizard of Oz” ruby slippers worn by Judy Garland from Minnesota museum. pic.twitter.com/8VfTOiOsQ0

— Daily Loud (@DailyLoud) October 13, 2023

Мартин бил осомничен за ова злосторство дури 13 години подоцна, кога тимот за кражба на уметнички дела на ФБИ во операција дознал дека одреден човек се обратил до агент за осигурување и му рекол дека може да помогне да ги најде чевлите.

Федералните обвинители го објавија обвинението за Мартин во мај, додавајќи дека моменталната пазарна вредност на чевлите е околу 3,5 милиони долари.

Мартин, кој беше осуден за трговија со украдена стока во 1988 година, ќе остане на слобода во очекување на пресудата.