САД: Северна Кореја испорача повеќе од 1.000 контејнери со воена опрема на Русија

Белата куќа денеска објави дека Северна Кореја и доставила на Русија повеќе од 1.000 контејнери со воена опрема и муниција за нејзината војна во Украина.

Шпекулациите дека Северна Кореја планира да ги надополни резервите на муниција на Русија во нејзината долготрајна војна во Украина се интензивираа минатиот месец кога севернокорејскиот лидер Ким Џонг Ун отпатува во Русија за да се сретне со претседателот Владимир Путин и да ги посети големите воени објекти.

Портпаролот на Советот за национална безбедност на Белата куќа, Џон Кирби, рече дека САД веруваат дека Ким бара напредна руска технологија за оружје во замена за муниција за зајакнување на воената и нуклеарната програма на Северна Кореја.

Белата куќа објави слики за кои вели дека покажуваат како контејнери се товарат на бродови под руско знаме пред да бидат префрлени со воз во југозападна Русија. Според Белата куќа, контејнерите биле испратени меѓу 7 септември и 1 октомври меѓу Нагин, Северна Кореја и Русија.

Поранешниот советник на Зеленски најавува мрачни денови за Украина: Нѐ очекуваат солзи, крв и пот – Киев ја води земјата до катастрофа!
САД: Северна Кореја испорача повеќе од 1.000 контејнери со воена опрема на Русија
Црвенковски: Земјите од Западен Балкан да побараат од ЕУ постепена интеграција и пред полноправното членство
У19: Македонската репрезентација поразена од фаворитот Германија
ТАРАВАРИ: Ако не поминат уставните измени, треба да размислуваме за нов Устав и дводомен парламент
Откриено оружје и експлозивни направи на северот на Косовo
Ковачевски до Мицкоски: КОЛКУ ПАТИ СЕ СРЕТНАВТЕ СО ДУИ ВО ПОСЛЕДНИТЕ 6 МЕСЕЦИ И ЗА ШТО РАЗГОВАРАВТЕ?
Австралијанците на референдум одбија да ги вклучат Абориџините во Уставот
Откриени 33 мигранти во приколка од камион кај Старо Нагоричане

„Ја осудуваме КНДР што и испрати на Русија своја воена опрема што ќе се користи за напади на украински градови и убивање украински цивили и продолжување на нелегитимната војна на Русија“, рече Кирби, користејќи ги иницијалите на Демократска Народна Република Кореја, официјалното име на земјата.

„Проценуваме дека Пјонгјанг бара воена помош од Русија во замена за поддршка, вклучувајќи борбени авиони, ракети земја-воздух, оклопни возила, опрема за производство на балистички ракети или други материјали или други напредни технологии“, рече Кирби.

САД ја обвинија Северна Кореја дека претходно и обезбедувала муниција, артилерија и ракети на Русија. Северна Кореја претходно негираше дека ја снабдувала Москва со оружје.