Познат идентитетот на напаѓачот од Брисел, уби двајца па се огласи во живо на Facebook: Ги одмаздив муслиманите
Напаѓачот кој во терористички напад во Брисел уби две лица, шведски фудбалски навивачи, а рани уште едно лице, сѐ уште е во бегство.
Со истиот скутер, според расположливите информации, тој пристигнал во делот на центарот „Сентелтеплеин“, каде што отворил оган од автоматска пушка.
Убиецот, според новите информации кои белгискиот HLN ги дознал од полицијата, прво пукал во такси комбе во кое убил двајца шведски навивачи кои пристигнале на натпреварот меѓу Белгија и Шведска. Потоа отишол да пука во третата жртва, која ја ранил.
Осомничен за нападот е 45-годишниот Абдесалем Л. од Шаарбек, за кој се знае дека е радикализиран. Го користел псевдонимот Слајем Слоум. Добро информиран извор за HLN изјавил дека тој е од Тунис. „Тој побара азил, што беше одбиено и му беше наредено да ја напушти земјата“, се вели во соопштението. Според федералните обвинители, тој најверојатно имал терористички мотиви.
На неговиот Facebook по нападот се појави видео во кое тој вели дека „убил тројца Швеѓани“. Едно од трите лица во кои пукал е рането и според последните информации е надвор од животна опасност.
Во видеото, човекот на арапски вели дека е член на ИСИС (Исламска Држава) и се фали дека убива неверници.
„Во својот многу насилен говор, тој рече дека убил две лица за да се одмазди на муслиманите и дека ние живееме и умираме за нашата религија“, се вели во соопштението.
По нападот тој побегнал, а полицијата сѐ уште не може да му влезе во трага.
