Хамас го објави првото видео од заложниците што ги зеде. На снимката се гледа млада жена за која Хамас тврди дека е заложничка во Газа, јавуваат израелските медиуми.
Лицето е идентификувано како 21-годишна девојка која беше киднапирана од музичкиот фестивал Супернова на 7 октомври.
„Ве молам извлечете ме одовде што е можно поскоро“, вели девојката во видеото.
Хамас ги објави и условите за ослободување на повеќе од стотина заложници што ги зедоа. Бара ослободување на 6.000 мажи и жени затворени во израелските затвори. Калед Мешал, шеф на канцеларијата за дијаспора на Хамас, го поднесе ова барање.
Меѓу заробениците на групата, рече тој, се и високи офицери на израелските одбранбени сили (ИДФ).