Актерката Софија Вергара ги воодушеви следачите на Инстаграм кога сподели фотографии од својот плакар кој зафаќа цела просторија.
Во гардероберот во форма на соба таа има сè – од чевли, луксузни чанти, облека за црвен тепих до лежерни модни комбинации. На голем остров среде собата има врамени фотографии на Софија од младоста, а една таква е закачена на ѕидот.
Гости на Софија ѝ беа Џули Бовен и Џеси Тајлер Фергусон, колеги од ТВ-серијата „Модерно семејство“, како и сопругот на Фергусон, Џастин Микита.
„Попладне со моите најмили луѓе на светот, вратете се брзо, ми недостасувате,“ напиша Софија.
Тие се забавувале и се фотографирале во просторијата за облека, а Џастин позираше и со еден куп чевли на Софија.
Во коментарите на објавата на Софија се јави и колега од серијата.
„Барем еднаш уживав додека сум во плакар,“ коментираше Џеси под објавата на Софија. Со својот коментар насмеа илјадници луѓе и доби 28.000 лајкови.
За потсетување, Вергара неодамна се разведе од актерот Џо Манганиело.
The post Софија Вергара направи журка во својот гардеробер со колегите од „Модерно семејство“ appeared first on info.mk.
Следете не, не има насекаде