Халанд е најдобар напаѓач, Мартинез ја доби наградата „Лав Јашин“,

Голманот на Аргентина Емилијано Мартинез ја освои наградата „Лав Јашин“, за најдобра голман, а на Норвежанецот Ерлинг Халанд му припадна наградата „Герд Милер“ за најдобар стрелец, на гала церемонијата на 67. издание на „Златната топка“, која ја доделува „Франс фудбал“.

Мартинез беше фаворит со оглед на фактот дека со Аргентина ја освои мундијалската титула на Мундијалот во Катар.

Зад него следуваа Бразилецот Едерсон, а потоа Јансин Бону, Тибо Куртоа, Марк-Андре Тер Штеген, Андре Онана, Доминик Ливаковиќ, Арон Рамсдејл, Мајк Мењан и Брис Самба.

На Мартинез наградата му ја врачи татко му, кој беше во салата.

Мартинез со свирежи ја доби наградата. Французите кои беа во салата не заборавија како се однесуваше по финалниот меч во Катар, а и како го навредуваше Мбапе на прославата на титулата во Буенос Аирес.

Немаше никаква дилема дека наградата за најдобар напаѓач, која го носи името на легендарниот Германец Герд Милер. Нејзин лауреат е Норвежанецот Ерлинг Халанд, фудбалер на Манчестер сити, кој постигна 52 гола на 53 натпревари. .

Зад себе ги остави Килијан Мбапе, Хари Кејн, Лионел Меси и Роберт Левандовски.