Вака изгледала внатрешноста на куќата каде Пери ги поминал последните денови од животот: Имотот вреди 6 милиони долари и има прекрасен поглед кон Пацификот

Метју Пери купил имот со прекрасна вила во Лос Анџелес пред три години. Се сметало дека токму таму тој го пронашол својот мир. За жал, неговиот нов дом станал место каде го завршил својот живот.

Погледнете како изгледало неговото катче вредно шест милиони долари. Актерот активно учествувал во реновирањето на куќата за сѐ да приспособи на својот вкус.

Популарниот актер Метју Пери купил нова куќа во август 2020 година. Имотот и вилата се и повеќе од раскошни, но гледано од агол на неговиот статус и споредба со вредностите на куќите на останатите ѕвезди, неговиот дом дури може да се смести во поскромен.

Последната објава на социјалната мрежа Инстаграм на Метју Пери настанала во џакузито од каде има неверојатен поглед кон Тихи океан. На истото место актерот на 28 октомври бил пронајден мртов под сомнеж дека се удавил, а синоќа биле објавени нови детали во врска со тоа.

Куќата била изградена во 1965 година во стил на скромен ранч. Од тогаш доживеала бројни трансформации, а Метју Пери дал свој печат на овој прекрасен имот заменувајќи го светлиот под со потемно дрво и бохо мебел со многу повпечатливи бои.

Во вилата има четири спални соби, четири бањи, а бројните простории имаат прекрасен поглед кон Пацификот. Пред да ја купи, куќата на огласот била опишана како пример за живот во јужна Калифорнија. Мет Лебланк живеел во тоа соседство до 2016 година.

Метју Пери во 2020 година својата куќа во Малибу ја продал за 14,95 милиони долари, а ја купил во 2011 година за 12 милиони долари.

Куќата во Лос Анџелес ја опкружува прекрасен двор каде е сместено надворешното џакузи.

Актерот бројни фотографии од својот дом објавил и на социјалната мрежа Инстаграм меѓу кои една од последните е онаа со татко му Џон Бенет Пери.