Славјанка: Македонија е активен и посветен НАТО сојузник што придонесува кон колективната и регионалната безбедност

Министерката за одбрана Славјанка Петровска утрово во Министерството се сретна со Хавиер Коломина, помошник генерален секретар на НАТО за политички работи и безбедносна политика со кого разговараше за придонесот на Македонија како посветен и активен сојузник во Алијансата кон колективната безбедност на НАТО и кон стабилноста на регионот.

Новак не е фаворит на Ролан Гарос, коефициентите за Надал ќе ве изненадат: Букмејкерите знаат нешто што ние не знаеме?
Почина телохранителот на Хашим Тачи во Скопје – семејството се сомнева на убиство и бара истрага
Османи: ВМРО-ДПМНЕ има страв од враќање на Груевски, а ДУИ нема интереси од тоа
Славјанка: Македонија е активен и посветен НАТО сојузник што придонесува кон колективната и регионалната безбедност
Познат гинеколог откри каде се наоѓа Г точката кај жената: Ако го погодите тоа место, таа веднаш ќе доживее оргазам
ЏАФЕРИ: Ако партиите не обезбедат консензус, ќе ги спроведам моите надлежности и ќе распишам избори
Новата словачка Влада одби да го одобри пакетот воена помош за Украина
Бујар има розови наочари: Не било музеј на УЧК, било…
Николоски бил на тајна средба во Мала Речица да нуди коалиција, се подготувало членството по општински за уставни измени по избори – Еве зошто Мицкоски се плаши од Груевски
Нови цени на бензините од утре!

На средбата Петровска истакна дека Македонија во целост ги спроведува прифатените обврски од НАТО пакетот на цели на способности, со особен акцент на модернизацијата на Армијата и унапредувањето на условите и развојот на човечките капацитети во Министерството и Армијата.

„Инвестирањето во македонската одбрана во 2024 година ќе достигне 2% од бруто – домашниот производ, а од средствата наменети за одбрана една третина ќе бидат насочени кон модернизација, што е гаранција дека процесот на опремување на Армијата ќе продолжи да се реализира со несмалено темпо. Посветени сме на модернизацијата како одговорна членка на НАТО но подеднакво и заради националната безбедност“, рече министерката Петровска.

Таа го информираше помошник генералниот секретар Коломина за помошта која во досега во 10 наврати Македонија ја донираше на Украина и нагласи дека во согласност со проценките на Генералштабот таа помош и понатаму ќе продолжи.

Во контекст на регионалната безбедност, министерката истакна дека Македонија го зголемува учеството во мисијата КФОР на Косово. Таа потенцираше дека дијалогот меѓу Белград и Приштина треба да продолжи и дека и двете страни треба да ги реализираат преземените обврски.

„Интеграцијата на земјите од регионот во ЕУ е безбедносно прашање и најдобар одговор на обидите за влијанија од трети страни во регионот“, рече Петровска.

Во соочувањето со проблемот на хибридни закани и лажни вести, Петровска ја истакна 100 процентната активна транспарентност на Министерството за одбрана како најдобар начин за превенција и справување со овој предизвик.

Помошникот генералниот секретар на НАТО, Коломина се заблагодари за активното учество на Македонија во НАТО и видливиот придонес кон зацврстувањето на регионалната и колективната безбедност. Тој го поздрави придонесот на Македонија во мултинационалните сили на НАТО во Бугарија и Романија, учеството во мисијата на НАТО на Косово, помошта за Украина во одбрана на нејзиниот територијален интегритет и стабилното инвестирање во развојот и модернизацијата на одбраната.