Не чекајте воспалението да се прошири: 3 работи кои би можеле да ги ублажат симптомите на гастритис на природен начин

Во консултација со вашиот лекар, покрај препишаната терапија, обидете се со некои од овие совети за што побрзо вашиот гастроинтестинален тракт да функционира нормално.

Гастритис, воспаление на слузницата на желудникот,е една од најчестите заболувања на гастроинтестиналниот систем и состојба која не треба да се игнорира.

Бидејќи мукозната мембрана што го обложува желудникот е исклучително важна за производство на стомачна киселина и варење,нејзиното воспаление може да го наруши нормалното функционирање на целиот гастроинтестинален тракт.

Бидејќи желудникот повеќе не може да ги извршува своите функции правилно, станува подложен на негативните ефекти на микроорганизмите, па затоа е важно навремено да се обратите кај лекар и да направите се што е можно поскоро за да се ублажат симптомите на гастритис.

Како што пишува медицинската платформа Healthline, постојат неколку мали чекори кои можеме да ги преземеме при лекување на гастритис.

Антивоспалителна диета

Healthline препорачува диета базирана на храна која го намалува воспалението, односно избегнување на храна која може да предизвика иритација на слузницата на желудникот.

Која храна ќе предизвика гастритис зависи од личноста и може да биде корисно да водите дневник една недела за точно да ја идентификувате храната што ви предизвикува проблеми.

Главно е неопходно да се исклучат од исхраната:

-високо преработена и конзервирана храна
-храна со висока содржина на глутен
-кисела и млечна храна

Студијата објавена во 2016 година во списанието Przeglad Gastroenterologiczny покажа дека додавањето на никулци од брокула и свежи боровинки во исхраната може да му помогне на телото да се бори против гастритисот.Исто така,ако некое лице има воспоставена алергија на глутен,диетата без глутен е исто така корисна за намалување на симптомите на гастритис.

Пробиотици

Познато е дека пробиотиците го подобруваат варењето и одржуваат редовни движења на дебелото црево, а внесот на повеќе добри бактерии може да го спречи ширењето на Helicobacter pylori.

Покрај пробиотиците во капсули,се препорачува тие да се внесуваат со храна,поточно јогурт и ферментиран зеленчук како кисела зелка.

Екстракт од лук

Најмалку 50 отсто од светската популација има Helicobacter pylori,според студијата на тајванските научници објавена во 2014 година во медицинското списание World Journal of Gastroenterology.Оваа бактерија може да доведе до гастритис,а екстрактот од лук наводно може да биде корисен против неа.

Експертите од италијанскиот универзитет G.d’Annunzio објавија студија во 1996 година во списанието FEMS Immunology and Medical Microbiology,тврдејќи дека конзумирањето екстракт од лук е ефикасен начин за уништување на H. pylori,но прегледот на повеќекратни студии од 2018 година покажа дека сè уште не постои доволно докази за тоа.

Затоа,дефинитивно се потребни повеќе истражувања.