ПО 52 ДЕНА ПАУЗА, Русија го изврши првиот голем ракетен напад врз главниот град на Украина

Во саботата Русија го изврши својот прв ракетен напад врз главниот град на Украина, Киев, и околниот регион по неколку недели и ги нападна источниот и јужниот дел на земјата со беспилотни летала, соопштија украинските власти.

Првиот човек на воената управа на градот Киев, Серхиј Попко, изјави дека околу 8 часот наутро била лансирана руска балистичка ракета кон главниот град.

Појадокот кој го избираат најдолговечните луѓе на светот, а ние воопшто не би ни помислиле
Актерот на кој му дадоа уште две години живот се ожени со 39 години помлада девојка: Сите мислат дека тоа е негова ќерка, а некои дури и внука
Поранешниот ген-сек. на НАТО со драматичен предлог: “Украина да влезе во НАТО без териториите окупирани од Русија“
ПО 52 ДЕНА ПАУЗА, Русија го изврши првиот голем ракетен напад врз главниот град на Украина
“ХАМАС НЕ УБИ 1.400 ЛУЃЕ ВО МАСАКАРОТ НА 7. ОКТОМВРИ“ – Израел ја промени бројката на загинати во нападите од минатиот месец !?
СТРАШНО ПРЕДУПРЕДУВАЊЕ ОД ИРАН – “Не е време за зборови, туку за акција во Појасот Газа“
Христијан Мицкоски: “Извештајот на ЕУ никогаш не бил полош“
БЕНЈАМИН НЕТАНЈАХУ НАСИЛНО МУ ОДГОВОРИ НА ЕМАНУЕЛ МАКРОН – “Ова треба да ги загрижи сите!“
ГОЛЕМА АУКЦИЈА ВО ЊУЈОРК – Соборен рекорд од 2017 година: Ремек-дело на Колд Моне продадено за неверојатни 74 милиони долари

„По долга пауза од 52 дена, непријателот продолжи со ракетните напади врз Киев“, вели Серхиј Попко во објава на социјалната мрежа Телеграм.

„Ракетата не успеа да стигне до Киев, против-воздушната одбрана ја собори додека се приближуваше до главниот град“, тврди Серхиј Попко.

Серхиј Попко вели дека во главниот град нема жртви или поголеми штети.

Руслан Кравченко, регионален гувернер на централниот регион Киев, вели дека се оштетени пет приватни куќи и неколку деловни згради во областа. Тој кажа дека две руски ракети го погодиле полето меѓу населбите.

Украинската воздушна одбрана собори и 19 беспилотни летала „Шахед“ од иранско производство од 31 лансирани од руските сили во ноќен напад врз јужните и источните региони, се вели во соопштението на воздухопловните сили.

Олех Кипер, регионалниот гувернер на Одеса, кажа дека јужниот регион бил нападнат со проектили и беспилотни летала во петокот навечер и во текот на ноќта.

„Во нападите се ранети три лица, а оштетени се и пристанишните инфраструктурни објекти“, објави тој, без да даде дополнителни детали.

Русија го засили бомбардирањето на украинските пристаништа, вклучително и Одеса, и житната инфраструктура од јули кога Москва се повлече од Црноморската иницијатива за жито, договор за време на војната што му овозможи на украинскиот извоз да стигне до многу земји кои се соочуваат со закана од глад.