Жените во ЕУ се платени 13 отсто помалку од мажите за иста работа

Жените во Европската Унија се платени во просек 13 отсто помалку од мажите што ја вршат истата работа и покрај тоа што имаат право на еднаква плата според правото на ЕУ, објави Европската комисија.

„Еднаква плата за иста работа или работа со еднаква вредност е еден од основните принципи на ЕУ. Тоа беше наведено во Римскиот договор во 1957 година“, се вели во соопштението на Комисијата.

„Сепак, напредокот во затворањето на родовиот јаз во платите стагнира оваа година и е бавен со години“, се вели во извештајот.

За да помогне во справувањето со проблемот, Комисијата ја издаде директивата за транспарентност на плаќањата, која стапи во сила на почетокот на јуни.

Целта на директивата е да им помогне на работниците да ја препознаат и да се спротивстават на дискриминацијата на платите.

Текстот Жените во ЕУ се платени 13 отсто помалку од мажите за иста работа е превземен од МАКФАКС.