Веќе некое време кружат гласини дека Apple работи на нов модел на iPhone SE.


Apple сè уште не објави ништо официјално кога станува збор за претстојниот iPhone SE 4, но тоа не ги спречи дизајнерите да креираат концептни рендери за да ни покажат како би можел да изгледа телефонот.

New exclusive renders for the upcoming iPhone SE 4

• New design
• OLED display
• Action button
• USB-C
• Larger battery

This phone looks like it’s going to be pretty great, especially for the price! pic.twitter.com/tl9ZWDPTAq

— Shea (@concept_central) November 14, 2023

Рендерите се создадени во соработка помеѓу AppleTrack и @concept_central, а се базираат на досега откриеното за уредот.

Гледајќи ги фотографиите, гледаме дека iPhone SE 4 би можел да има дизајн кој е идентичен со моделот iPhone 14, со рамни страни и заоблени рабови.

Телефонот наводно ќе има 6,1-инчен OLED дисплеј, но не е познато дали ќе поддржува технологија ProMotion од 120 Hz. Иако Apple го отфрли засекот во своите најнови модели на iPhone, iPhone SE 4 се очекува да го задржи засекот барем засега.

Кога станува збор за задниот дел, iPhone SE 4 би можел да има главна камера од 48 MP. Друг важен детал е додавањето на USB-C порта на дното на уредот.

Се очекува iPhone SE 4 да биде претставен кон крајот на 2024 или почетокот на 2025 година.