(Видео) Паника и стампедо во кино во Индија

Инцидент во индискиот град Малегаон ја шокираше публиката за време на прикажувањето на филмот на популарната боливудска ѕвезда Салман Кан.

Непознати лица, за кои се претпоставува дека се обожаватели на актерот, предизвикале паника и стампедо со поставување на огномет среде кино салата.

Chaos and Panic as people burst fireworks in cinema hall during movie #Tiger3 Every festival in India is a festival of harassment #DiwaliCelebration #Tiger3Diwali2023 pic.twitter.com/96PcZ87o5h

— Crime Reports India (@AsianDigest) November 13, 2023

Според извештаите, се започнало кога на екранот се појавила филмската ѕвезда, а засега не се знае колку луѓе учествувале во овој опасен чин. Прашина и искри летале на сите страни, додека испаничените луѓе се обидувале да избегаат од салата за да се спасат од пламените јазици и детонации.

Коментарите на ова видео се полни со осуда за овие опасни и неодговорни личности, како и грижа за безбедноста на сите присутни во салата.

Една од главните ѕвезди на овој инцидент е актерот Салман Кан, кој на својот Твитер профил се огласи и апелираше до луѓето да престанат со нивното опасно однесување. Тој рече дека слушнал за огномет во кината за време на прикажувањето на неговиот филм „Тигар 3“ и дека тоа е многу опасно. Тој исто така нагласи дека треба да се ужива во филмот, но не на начин што претставува ризик за себе и за другите.

Полицијата покрена истрага за овој инцидент, но засега нема информации за евентуални повредени. Сепак, коментарите на видеото укажуваат дека ова можело да заврши многу полошо и дека е среќа што немало посериозни последици.