(Видео) Врчак се врати на сцената по 15 години, објави заедничка песна со ДНК

По цели 15 години Раде Врчаковски-Врчак и официјално се „врати“ на македонската музичка сцена. Заедно со ДНК ја објави песната „Посреќна“, а публиката веќе коментира дека вредело да се чека толку време.

За ДНК, пак, „Посреќна“ е прва песна по пауза од речиси година.
Автори на музиката за „Посреќна“ се Панчо и Лазар Цветковски, текстот е на Панчо и Врчак, а аранжманот на Лазе.
Панчо, Андреј и Врчак видеоспотот за песната го снимија во Белград. Заедно со нив во спотот се појавува и Елена Ѓоргоска (23), членка на познатата модна агенција од Милано – „E2 Model Management“.
Видеото во Белград го снимаше професионална екипа, на чело со Макарије Топаловиќ, кој соработува со најпознатите регионални ѕвезди како Сенидах и многу други…
„Посреќна“ е само најава за она што допрва го планира Врчак кога станува збор за музичките планови, а исто така и ДНК веќе работи на нови проекти, кои публиката допрва ќе има прилика да ги слуша и да ги види.