Руски дипломат: Односите меѓу САД и Русија се ,,тенки како конец”

Рускиот дипломат Александар Дарчиев, коментирајќи ја одлуката на американскиот Сенат да ја именува Лин Трејси за амбасадорка во Русија, рече дека таа треба да се фокусира на подобрување на односите меѓу двете земји.

Рускиот дипломат Александар Дарчиев изјави дека односите меѓу Русија и САД се ,,тенки како конец.”

Коментирајќи ја одлуката на американскиот Сенат да ја назначи Лин Трејси за амбасадор на земјата во Русија, Дарчиев рече дека таа треба да се фокусира на подобрување на односите меѓу двете земји, пренесува ТАСС.

„Според мене, важно е новиот шеф на дипломатската мисија на САД да не се обидува да ги влоши постоечките односи меѓу САД и Русија, туку да се обиде да ги задржи барем на сегашното ниво, со тенденција да се подобат во иднината“, рече тој.

Руската новинска агенција јавува дека Лин Трејси е првата жена амбасадор на САД во Русија, а до неодамна ја извршуваше функцијата амбасадор на САД во Ерменија.