Талат Џафери, премиер на техничката влада, Јован Митрески, претседател на Собранието – ова се деталите

Решението не е дефинитивно потврдено од партнерите во власта, но е најизвесната варијанта во овој момент на маса, додава изворот на ,,360 степени”. Со него би се постигнал баланс во распределбата на врвните функции во власта, ДУИ не би имала и премиер и претседател на парламентот во исто време, а во случај да не се избере шеф на државата, в.д. претседател би бил етнички Македонец.

Талат Џафери од ДУИ да биде премиер на техничката влада сто дена пред избори, а Јован Митрески од СДСМ – нов претседател на Собранието. Ова, според извор на ,,360 степени” во владејачката коалиција, е најсериозната варијанта за спроведување на политичкиот договор постигнат меѓу Зоран Заев и Али Ахмети во 2020 година, во пресрет на парламентарните и претседателските избори в година.

Со ваквото решение, би се постигнал баланс во распределбата на врвните функции во власта, ДУИ не би имала и премиер и претседател на парламентот во исто време, во случај да не се избере шеф на државата, в.д. претседател би бил етнички Македонец, брифирале извори во владејачкото мнозинство..