Шефилд јунајтед го отпушти тренерот

Шефилд јунајтед, најлошиот тим во Премиер лигата му врачи отказ на менаџерот Пол Хекингботом. Ова е прв отказ сезонава во Премиер лигата по 14 одиграни натпревари.

Шефилд јунајтед моментално е на последното место на табелата со само пет бода и гол-разлика 11:39.

Според информациите на британски „Телеграф“, клубот веќе донел одлука да ангажира Крис Вајлдер, кој од 2016 до 2021 година го водеше тимот.

Тој го донесе клубот од третата лига во Премиер лигата, но дојде до меѓусебен прекин на соработката во март 2021 година поради лоши резултати. Оттогаш ги водеше Мидлсброу и Вотфорд.