Северина покажа како го украсила својот дом за божиќните празници

Божиќниот дух ја зафати и Северина, која на Инстаграм покажа како го украсила својот дом.

Бели свеќи, зелени машнички, стаклени вазни, бели ѕидови. Вака изгледа дел од домот на Северина, а пејачката во неделата ја запали првата свеќа на нејзиниот адвентски венец.

Таа сподели дел од атмосферата со своите фанови на Инстаграм.

Многумина веднаш забележаа и други детали во нејзиниот дом, кои зрачат со елеганција и луксуз.

Пејачката претходно сподели фотографии од станот, па можеше да се види дека преовладуваат претежно сиви и беж тонови.

Познато е дека Северина Вучковиќ живее на две адреси, а понекогаш, како во оваа прилика, им дозволува на обожавателите да „ѕирнат“ во нејзиниот луксузен стан на Козјак.