Печен карфиол со слатко-лут прелив

Ако сте обожаватели на карфиол, ви го препорачуваме овој рецепт. испечете го, па прелијте го со ароматичен прелив. Карфиолот е евтин зеленчук кој можете да го подготвите на милион начини.

На пример, Гордон Ремзи од карфиол прави лажни шницли. Ние предлагаме да го направите овој рецепт. Со случајов, карфиолот е прилог за јадење од месо или риба, а тоа што го издвојува од останатите рецепти е ароматичниот прелив кој се прави со мед и маслиново масло. Одлично е и тоа што вака подготвениот карфиол можете да го послужите како посло јадење.

Потребни состојки:

800 гр карфиол
1 лажичка блага пипер
маслиново масло
½ лажичка лук во прав
сол
бибер
за преливот:

½ лимон
3 лажици маслиново масло
магдонос
лута пипер
1 лажичка мед
Подготовка:

Карфиолот исечете го на цветови и ставете го во сад. Потоа додадете сол, бибер, посипете со пипер и лук во прав. Прелијте со маслиновото масло и измешајте. Наредете во плех обложен со хартија за печење, па печете во загреана рерна на 200°C околу 30 минути.

Во тенџере загрејте маслиново масло, додадете малку рендана кора од лимон, сок од лимон и сечкан магдонос. Промешајте, па додадете мед и лута пипер. Оставете на шпорет 5 минути, а потоа прелијте го над испечениот карфиол кој сте го ставиле во сад за послужување.