Унион Берлин заинтересиран за Енис Барди

Капитенот на фудбалската репрезентација на Македонија, Енис Барди има понуда да се пресели во Бундес лигата. Интерес за Барди покажа Унион Берлин, на чија клупа од пред две недели седи поранешниот тренер на Барди во Трабзон, Ненад Бјелица.

Бјелица, го предводеше Трабзон на 16 натпревари, Барди ги одигра сите со учинок од три гола и две асистенции.

Хрватскиот тренер го наследи на клупата на Унион Берлин, Урс Фишер кој доби отказ порад катастрофалната серија на резултати. Унион на последните 15 натпревари едбаш одигра нерешено и забележа 14 порази во сите натпреварувања.

Доколку клубовите се договорат извесно е дека Барди кариерата ќе ја продолжи во Германија.

Барди пред Трабзон играше во Примера, во Леванте. Шпанскиот клуб од неговиот трансфер заработи три милиони евра.